Վրաստանի դատախազությունը պետական հեղաշրջման կոչերի համար մեղադրանք է առաջադրել 5 ընդդիմադիր գործչի
1 րոպեի ընթերցում
Վրաստանի դատախազությունը պաշտոնապես մեղադրանք է առաջադրել 5 ընդդիմադիր գործչի նկատմամբ տեղական ինքնակառավարման մարմինների՝ հոկտեմբերի 4-ի ընտրության օրը երկրում պետական հեղաշրջման ու իշխանության տապալման կոչերի համար։ Այս մասին հաղորդում է «Արմենպրես»-ը՝ վկայակոչելով Վրաստանի դատախազության պաշտոնական կայքը։
Մասնավորապես, մեղադրանքներ են առաջադրվել Պաատա Բուրչուլաձեին, Մուրթազ Զորդելավային, Իրակլի Նարդիլաձեին, Լաշա Բերիձեին, Պաատա Մանջգալաձեին։
Նրանք մեղադրվում են Վրաստանում սահմանադրական կարգի բռնի տապալման կոչերի, բռնի գործողություններ կազմակերպելու, դրանք ղեկավարելու ու դրանց մասնակցելու, ռազմավարական նշանակության հաստատությունների նկատմամբ վերահսկողություն հաստատելու փորձ կատարելու կամ այդ հաստատություններն արգելափակելու մեջ։ Նրանց սպառնում է մինչև 9 տարվա ազատազրկում։