Հայաստանն անհամբեր սպասում է համագործակցության հետագա զարգացմանը. ԱԳՆ-ն շնորհավորել է Գերմանիային Միասնության օրվա առթիվ

Հայաստանի Հանրապետության արտաքին գործերի նախարարությունը շնորհավորել է Գերմանիային՝ Միասնության օրվա կապակցությամբ՝ մաղթելով գերմանացի ժողովրդին խաղաղություն և բարգավաճում։

«Արմենպրես»-ի հաղորդմամբ՝ այս մասին նշված է ՀՀ ԱԳՆ-ի X-ի միկրոբլոգում տարածված գրառման մեջ։

«Մեր շնորհավորանքներն ենք հղում Գերմանիային՝ Միասնության օրվա կապակցությամբ։

Հայաստանն անհամբեր սպասում է մեր լայն համագործակցության հետագա զարգացմանը, այդ թվում՝ Հայաստան-Եվրոպական միություն գործընկերության շրջանակներում։ Մեր կապերը կառուցված են բարեկամության և ընդհանուր արժեքների վրա։ Գերմանիայի ժողովրդին մաղթում ենք խաղաղություն և բարգավաճում»,- նշված է Հայաստանի ԱԳ նախարարության գրառման մեջ։

Congratulations to #Germany on #GermanUnityDay! #Armenia looks forward to further advancing our broad cooperation, including within the 🇦🇲–🇪🇺 partnership. Our ties are built on friendship & shared values. Wishing the people of 🇩🇪 peace & prosperity. pic.twitter.com/WMbVfRbUAE

— MFA of Armenia🇦🇲 (@MFAofArmenia) October 3, 2025