ԱԺ նախագահը վստահ է՝ «Քաղաքացիական պայմանագիր» կուսակցությունը հաջորդ ընտրություններին ավելի շատ ձայն է ստանալու, քան 2021-ին
1 րոպեի ընթերցում
Հայաստանի Ազգային ժողովի նախագահ Ալեն Սիմոնյանը վստահ է, որ իշխող «Քաղաքացիական պայմանագիր» կուսակցությունը 2026 թվականի խորհրդարանական ընտրություններին ավելի շատ ձայն է ստանալու, քան ստացել էր 2021 թվականի արտահերթ ընտրությունների ժամանակ:
«Արմենպրես»-ի փոխանցմամբ՝ Սիմոնյանը նման համոզմունք հայտնեց խորհրդարանում լրագրողների հետ զրույցում՝ անդրադառնալով հարցին, թե արդյոք ՔՊ-ն ընտրություններին կստանա՞ 50+1 տոկոս ձայն:
«Եթե առաջ մտածում էի, որ 51 տոկոսը հաստատ կլինի, ապա հիմա վստահ եմ, որ մասնավորապես օգոստոսի 8–ի Վաշինգտոնի համաձայնագրից հետո և այն քայլերից հետո, որոնք արվում են և արվելու են մինչև ընտրություններ, մենք շատ ավելի շատ ձայն ենք ստանալու, քան 2021 թվականի ընտրությունների ժամանակ»,-ասաց ԱԺ նախագահը:
2021 թվականի արտահերթ խորհրդարանական ընտրություններում «Քաղաքացիական պայմանագիր» կուսակցությունը 688 761 ձայն էր ստացել, ինչը հնարավորություն էր տվել, որպեսզի կուսակցությունը խորհրդարանում մեծամասնություն կազմի՝ առանց այլ ուժերի հետ կոալիցա ձևավորելու։