1 րոպեի ընթերցում
Միլանի «Ինտեր»-ը հաղթանակով է մեկնարկել ֆուտբոլի Չեմպիոնների լիգայի հիմնական փուլում:
«Արմենպրես»-ի հաղորդմամբ` Չեմպիոնների լիգայի հիմնական փուլի առաջին տուրում «Ինտեր»-ի մրցակիցը Ամստերդամի «Այաքս»-ն էր: «Ինտեր»-ին հաջողվեց երկու անպատասխան գնդակ ուղարկել «Այաքս»-ի դարպասը: Միլանյան ակումբի կազմում դուբլի հեղինակ դարձավ Մարկոս Տյուրամը:
Հայաստանի ֆուտբոլի ազգային թիմի նախկին ավագ Հենրիխ Մխիթարյանն «Ինտեր»-ի մեկնարկային կազմում էր, սակայն փոխարնվեց 68-րդ րոպեին:
Չեմպիոնների լիգայի հիմնական փուլի երկրորդ տուրում «Ինտեր»-ն արտագնա խաղում կմրցի Պրահայի «Սլավիա»-ի հետ: Այս հանդիպումը կկայանա սեպտեմբերի 30-ին: