Հարություն Խաչատրյանի ֆիլմերի հետահայաց ցուցադրություն կկազմակերպվի Փարիզի «Պոմպիդու» կենտրոնում

Համաշխարհային արվեստային կենտրոններից մեկը՝ Փարիզի «Պոմպիդու»-ն, արդեն պաշտոնապես հայտարարել է  հոկտեմբերի 9-ից մինչև նոյեմբերի 30-ը հայ կինոռեժիսոր, վավերագրող Հարություն Խաչատրյանի ֆիլմերի հետահայաց ցուցադրության նախագծի մասին։

«Արմենպրես»-ի հաղորդմամբ՝ այս մասին հայտնում է Հայաստանի կինոգործիչների միությունը։

Համաշխարհային կինոհանդիսատեսը դիտելու է կինոռեժիսորի «Կոնդ», «Սպիտակ քաղաք», «Վերադարձ ավետյաց երկիր», «Վերջին կայարանը», «Վավերագրողը», «Պոետի վերադարձը», «Սահման», «Անվերջ փախուստ, հավերժ վերադարձ», «Փակուղի», «Նկարչի երեք գերեզմանները» ֆիլմերը, որոնք ցուցադրվելու են «Պոմպիդու»-ի La Cinémathèque du documentaire par la Bpi ծրագրի շրջանակում։

Հարություն Խաչատրյանը հրավիրված է բացման երեկոյին։ Նրա մասնակցությամբ նախատեսվում են քննարկումներ և վարպետության դաս։