368.52
Սիրված և գնահատված եք պետության և հանդիսատեսի կողմից․ ԿԳՄՍ նախարարը շնորհավորել է Հարություն Խաչատրյանի ծննդյան օրը
2 րոպեի ընթերցում
Կոմիտասի թանգարան ինստիտուտում Կրթության, գիտության, մշակույթի և սպորտի նախարար Ժաննա Անդրեասյանը շնորհավորել է կինոռեժիսոր, վավերագրող, Հայաստանի ժողովրդական արտիստ, Հայաստանի կինոգործիչների միության նախագահ, «Ոսկե ծիրան» միջազգային կինոփառատոնի հիմնադիր, Եվրոպական կինոակադեմիայի անդամ, միջազգային կինոփառատոների մրցանակակիր Հարություն Խաչատրյանի ծննդյան 71-րդ տարեդարձը՝ մաղթելով ուժ, ամուր առողջություն և ստեղծագործական եռանդ։
«Վստահաբար, Դուք սիրված և գնահատված եք թե՛ պետության, և թե՛ հանդիսատեսի կողմից: Այժմ Դուք ստեղծագործական կարևոր ծրագրի իրականացման և համատեղ նոր նախաձեռնությունների փուլում եք: Վստահ եմ՝ պետության աջակցությամբ Վահան Տերյանի 140-ամյակին նվիրված խաղարկային-վավերագրական ֆիլմի աշխատանքները կհասնեն իրենց տրամաբանական ավարտին: Մաղթում եմ նորանոր հաջողություններ»,– «Արմենպրես»-ի փոխանցմամբ՝ շնորհավորական իր խոսքում նշել է ԿԳՄՍ նախարարը։
Հարություն Խաչատրյանը շնորհակալություն է հայտնել շնորհավորանքի համար՝ նշելով.
«Ծննդյան օրվա շնորհավորանք ստանալ Կոմիտասի թանգարան-ինստիտուտում՝ շատ խորհրդանշական է։ Այս միջավայրում մարդը կարծես ավելի բարի ու ստեղծագործ է դառնում»։
Հանդիպմանը ներկա են եղել նախարարի տեղակալներ Դանիել Դանիելյանը և Ալֆրեդ Քոչարյանը:
Բաժանորդագրվեք մեր ալիքին Telegram-ում