Ծանրորդներն աշխարհի առաջնությանը կմասնակցեն 7 մարզիկով

Հայաստանի ծանրամարտի ֆեդերացիան ներկայացրել է աշխարհի առաջնության մասնակից հավաքականների կազմերը:

«Արմենպրես»-ի հաղորդմամբ` տղամարդկանց թիմի կազմում ընդգրկված են Գառնիկ Չոլակյանը (60 կգ), Գոռ Սահակյանը (71 կգ), Սուրեն Գրիգորյանը (88 կգ), Սիմոն Մարտիրոսյանը (110 կգ), Գարիկ Կարապետյանը (110 կգ), Վարազդատ Լալայանը (+110 կգ):

Կանանց թիմից աշխարհի առաջնությանը կմասնակցի Աննա Ամրոյանը: 

Աշխարհի առաջնությունը կկայանա Նորվեգիայի Ֆյորդե քաղաքում հոկտեմբերի 2-11-ին: