368.52
ԱԺ խորհուրդը հաստատել է նստաշրջանի օրակարգը․ ընդգրկվել է 42 հարց
1 րոպեի ընթերցում
Հայաստանի Ազգային ժողովի ութերորդ գումարման տասներորդ նստաշրջանին ընդառաջ սեպտեմբերի 5-ին գումարվել է ԱԺ խորհրդի նիստը, որը վարել է ԱԺ նախագահի տեղակալ Ռուբեն Ռուբինյանը։ «Արմենպրես»-ն այս մասին տեղեկացավ ԱԺ կայքէջից։
Խորհուրդը քննարկել և հաստատել է ինչպես ԱԺ ութերորդ գումարման տասներորդ նստաշրջանի, այնպես էլ սեպտեմբերի 8-ին մեկնարկող հերթական նիստերի օրակարգերի նախագծերը։ Ընդհանուր առմամբ օրակարգում ընդգրկվել է 42 հարց, և հաստատվել է դրանց քննարկման հաջորդականությունը։
Ի գիտություն է ընդունվել ԱԺ ութերորդ գումարման իններորդ նստաշրջանի ընթացքում միջխորհրդարանական կապերի վերաբերյալ ներկայացված տեղեկանքը։
Քննարկվել է Կոռուպցիայի կանխարգելման հանձնաժողովի անդամի ընտրության համար ձևավորվող մրցութային խորհրդի կազմը։ «Քաղաքացիական պայմանագիր» խմբակցությունը մրցութային խորհրդի անդամի թեկնածու է առաջադրել Արուսյակ Ջուլհակյանին։ «Հայաստան» և «Պատիվ ունեմ» խմբակցությունները թեկնածություններ չեն ներկայացրել։
Խորհրդի անդամ է նշանակվել Արուսյակ Ջուլհակյանը։
Բաժանորդագրվեք մեր ալիքին Telegram-ում