368.54
Եվրոպական երկրներն արդեն պատրաստել են Ուկրաինայի անվտանգության երաշխիքների առաջարկները. AFP
1 րոպեի ընթերցում
Եվրոպական երկրներն արդեն պատրաստել են իրենց առաջարկները հակամարտության ավարտից հետո Ուկրաինայի անվտանգության երաշխիքների վերաբերյալ։
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, վկայակոչելով «France-Presse» գործակալությանը, այս մասին հայտարարել է Ֆրանսիայի նախագահի խորհրդականներից մեկը լրագրողների հետ ճեպազրույցի ժամանակ։
Նա նշել է, որ այդ առաջարկներն արդեն պատրաստ են և ակնկալում են աջակցություն Ամերիկայի Միացյալ Նահանգների կողմից:
«Հինգշաբթի օրը մենք ձգտելու ենք հաստատում ստանալ, որ «կամավորների կոալիցիա»-ն Ուկրաինայի անվտանգությունն ապահովելու հարցում իսկապես աջակցություն ունի ամերիկացիների կողմից», - ասել է Ֆրանսիայի նախագահի խորհրդականը։
Նշվում է, որ «կամավորների կոալիցիա»-ի անդամների հանդիպումը նախատեսված է Փարիզում սեպտեմբերի 4-ին, որտեղ կքննարկվեն Ուկրաինայի համար անվտանգության երաշխիքները:
Բաժանորդագրվեք մեր ալիքին Telegram-ում