ՆԳՆ շրջիկ խմբերը Երևանի 3 վարչական շրջանում ԼՂ-ից բռնի տեղահանված անձանցից կընդունեն ՀՀ քաղաքացիություն ստանալու դիմումներ
1 րոպեի ընթերցում
Ներքին գործերի նախարարության շրջիկ սպասարկման գրասենյակները ՀՀ քաղաքացիության դիմումներ կընդունեն Երևան քաղաքում։
«Արմենպրես»-ի փոխանցմամբ՝ այս մասին հաղորդագրություն է տարածել ՀՀ ՆԳՆ միգրացիայի և քաղաքացիության ծառայությունը։
«Օգոստոսի 11-ին և 12-ին, ժամը 10։00-16։00-ն Էրեբունի, Ավան և Մալաթիա շրջաններում ՆԳՆ սպասարկման գրասենյակները ԼՂ-ից բռնի տեղահանված անձանցից կընդունեն ՀՀ քաղաքացիության ստացման դիմումներ»,- ասված է հաղորդագրության մեջ։