ԹԱՐՄԱՑՎԱԾ. Կառավարությունը «Վիվա Արմենիա»-ում իր բաժնետոմսերի առնչությամբ որոշում է ընդունել

Հայաստանի կառավարությունն օգոստոսի 7-ի նիստում «Վիվա Արմենիա»-ում իր ունեցած 20 տոկոս բաժնետոմսերի առնչությամբ որոշում է ընդունել: 

«Արմենպրես»-ի փոխանցմամբ՝ հարցը կառավարության նիստի չզեկուցվող հարցերի օրակարգում էր։ 

Մասնավորապես ՀՀ կառավարությունը որոշել է թույլատրել Հայաստանի վարչապետի աշխատակազմին Հայաստանի Հանրապետության կառավարության անունից «Վիվա Արմենիա»-ի բաժնետեր «Ֆեդիլքո Գրուպ Լիմիթիդ» ընկերության հետ կնքել վաճառքի օպցիոնի պայմանագիր։

ՀՀ կառավարությունը իր 20 տոկոս բաժնետոմսերի վաճառքի գործարքից կստանա 50 միլիոն դոլար։

2024 թվականի փետրվարին «Վիվա Արմենիա»-ն իր բաժնետոմսերի 20 տոկոսը նվիրաբերել էր ՀՀ կառավարությանը։ 

ԹԱՐՄԱՑՈՒՄ. ՀՀ Կառավարությունն ավելի ուշ պարզաբանում է տարածել որոշման առնչությամբ։