1 րոպեի ընթերցում
Arca համակարգի բնականոն աշխատանքը լիովին վերականգնվել է։ «Արմենպրես»-ի փոխանցմամբ՝ այս մասին հայտնում են «Արմենիան Քարդ» ՓԲԸ-ից։
«Ժամը 15:25-ից սկսած Arca համակարգի բնականոն աշխատանքը լիովին վերականգնվել է։
Մեր տեխնիկական թիմը գործել է առավելագույն արագությամբ՝ ապահովելու համակարգի կայունության և գործունակության վերականգնումը հնարավորինս սեղմ ժամկետներում։
Առաջացած տեխնիկական խափանման համար հայցում ենք Ձեր ներողամտությունը»,- մասնավորապես նշված է ընկերության տարածած հաղորդագրության մեջ
Ավելի վաղ ընկերությունը տեղեկացրել էր, որ տեխնիկական վերազինման և բարելավման աշխատանքների պատճառով հուլիսի 29-ին 11:46-ից սկսած Arca համակարգում ծառայությունները ժամանակավորապես անհասանելի են: