2 րոպեի ընթերցում
Slovakian Prime Minister Robert Fico speaks during a media conference regarding Ukraine's decision to halt Russian gas supplies to Europe, at the Slovakian Representation in Brussels, Thursday, Jan. 9, 2025. (AP Photo/Virginia Mayo) Бельгия. Брюссель. Премьер-министр Словакии Роберт Фицо во время пресс-конференции. AP/TASS
Բրատիսլավան կդադարի խոչընդոտել Ռուսաստանի դեմ ԵՄ պատժամիջոցների 18-րդ փաթեթի հաստատմանը, հայտարարել է Սլովակիայի վարչապետ Ռոբերտ Ֆիցոն։ «Արմենպրես»-ն այս մասին տեղեկանում է «Ինտերֆաքս» գործակալությունից։
Ֆիցոն տեսաուղերձում ասել է, որ հուլիսի 18-ին կհանձնարարի սլովակ ներկայացուցիչներին աջակցել պատժամիջոցների փաթեթին։
«Վաղը պատժամիջոցների 18-րդ փաթեթի արգելափակումը շարունակելը հակաարդյունավետ կլինի։ Այս պահին բոլոր տարբերակները սպառված են, և արգելափակելու մեր դիրքորոշումը պահպանելը արդեն իսկ կվտանգի մեր շահերը», - ասել է Ֆիցոն հուլիսի 17-ի երեկոյան։
Շաբաթվա սկզբին Ֆիցոն հայտարարել էր, որ մտադիր է խոչընդոտել պատժամիջոցների 18-րդ փաթեթի հաստատումը, մինչև Բրյուսելից չլինեն էներգետիկայի հարցերի վերաբերյալ ավելի կոնկրետ երաշխիքներ։ Նա նշել էր, որ սլովակյան քաղաքական կուսակցություններն անբավարար են համարել Եվրահանձնաժողովի կողմից երկրին առաջարկված երաշխիքները՝ կապված 2028 թվականից հետո ռուսական գազից հրաժարվելու ԵՄ ծրագրի հետ։
ԵՄ-ն հուլիսի 15-ին հերթական անգամ չի կարողացել համաձայնության գալ Ռուսաստանի դեմ պատժամիջոցների 18-րդ փաթեթի շուրջ։ Այս միջոցառումների հաստատումը պահանջում է ԵՄ բոլոր անդամ պետությունների համաձայնությունը։ Պատժամիջոցները հաստատելու ևս մեկ փորձ է արվել հուլիսի 16-ին, սակայն այն նույնպես ձախողվել է Բրատիսլավայի դիրքորոշման պատճառով։
Այս տարվա սկզբին Եվրահանձնաժողովը մշակել է ռուսական գազից հրաժարվելու առաջարկներ։ Այս պլանի իրականացման մեխանիզմը չի նախատեսում միաձայն հաստատում։ Հետևաբար, Սլովակիան միայնակ չի կարող խոչընդոտել նման որոշման ընդունմանը։ Այդ պատճառով Ֆիցոն որոշել էր արգելափակել պատժամիջոցների 18-րդ փաթեթը, որը պահանջում է ԵՄ բոլոր անդամ պետությունների համաձայնությունը, մինչև չստանա գազի մատակարարման վերաբերյալ բավարար երաշխիքներ։