«Փյունիկ»-ը դուրս եկավ Կոնֆերենցիաների լիգայի երկրորդ փուլ

Երևանի «Փյունիկ» ֆուտբոլային ակումբը դուրս եկավ Կոնֆերենցիաների լիգայի որակավորման երկրորդ փուլ:

«Արմենպրես»-ի հաղորդմամբ` Երևանի Վազգեն Սարգսյանի անվան «Հանրապետական» մարզադաշտում կայացած որակավորման առաջին փուլի պատասխան խաղում «Փյունիկ»-ը հինգ անպատասխան գնդակ ուղարկեց Սան Մարինոն ներկայացնող «Տրե Ֆրիորի»-ի դարպասը:

Երևանյան ակումբի կազմում աչքի ընկան Օտուբանջոն (դուբլ), Ալեմոն ու Նուբիսին, մեկ անգամ էլ ինքնագոլի հեղինակ դարձավ մրցակցի թիմի ֆուտբոլիստը: