«Ինտեր»-ը ներկայացրել է նոր գլխավոր մարզչին

Իտալական «Ինտեր»-ի նոր գլխավոր մարզիչը ռումինացի մասնագետ Կրիստիան Կիվուն է: 

«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: Պայմանագիրը նոր մասնագետի հետ նախատեսված է մինչև 2027 թվականի ամառը: 

Քրիստիան Կիվուն «Ինտեր»-ում որպես ֆուտբոլիստ հանդես է եկել 2007-2014 թվականներին, որից հետո ավարտել է կարիերան: 

44-ամյա մասնագետը մարզչական գործունեությունը սկսել է Միլանի Գրանդի երիտասարդական թիմերում, իսկ 2025 թվականի փետրվարից մինչև հունիսը եղել է իտալական «Պարմա»-ի գլխավոր մարզիչը: 

«Ինտեր»-ի գլխավոր մարզչի պաշտոնում Քրիստիան Կիվուն փոխարինել է Սիմոնե Ինձագիին: Ակումբին երկու անգամ ՈՒԵՖԱ-ի Չեմպիոնների լիգայի եզրափակիչ դուրս բերած իտալացին կարիերան կշարունակի Սաուդյան Արաբիայի առաջնության «Ալ-Հիլալ» ակումբում: