1 րոպեի ընթերցում
Երևանի քաղաքապետ Տիգրան Ավինյանն ու ՀՀ տարածքային կառավարման և ենթակառուցվածքների նախարար Դավիթ Խուդաթյանն այցելել են Երևանի Բուսաբանական այգի և ծանոթացել Արցախյան ազատամարտերում զոհված հերոսների հիշատակին նվիրված «Կյանքի պուրակի» -ի կառուցման շինարարական աշխատանքների ընթացքին:
«Արմենպրես»-ն այս մասին տեղեկանում է Երևանի քաղաքապետի «Ֆեյսբուք»-յան գրառումից ու հրապարակած լուսանկարներից;
«Երևանի Բուսաբանական այգու շուրջ 50 հա տարածքում շարունակվում են Արցախյան ազատամարտերում զոհված հերոսների հիշատակին նվիրված «Կյանքի պուրակի» -ի կառուցման աշխատանքները:
ՀՀ տարածքային կառավարման և ենթակառուցվածքների նախարար Դավիթ Խուդաթյանի հետ ծանոթացել ենք շինարարական աշխատանքների ընթացքին»,- գրել է քաղաքապետը;
Պուրակը կունենա արհեստական լճակ, կվերանորոգվեն կասկադային աստիճանահարթակները, կկառուցվի ճեմուղի ու հեծանվուղի:
Անցկացվում է ոռոգման նոր համակարգ, կառուցվում է պոմպակայան, որոնք հնարավորություն կտան ապահովել ոչ միայն «Կյանքի պուրակ»-ի, այլև ամբողջ այգու բուսականության խնամքը: