1 րոպեի ընթերցում
Նիդեռլանդները Leopard 2A8 տեսակի առնվազն 46 տանկ գնելու պայմանագիր է կնքել. դրանք մատակարարվելու են 6 տարվա ընթացքում: «Արմենպրես»-ի հաղորդմամբ՝ այս մասին նա հայտնել է թագավորության պաշտպանության նախարարությունը։
Պայմանագիրը մայիսի 14-ին այդ երկրի Ամերսֆորտ քաղաքում ստորագրել է Նիդեռլանդների պաշտպանության նախարարության պետական քարտուղար Գեյս Թյոյնմանը։ Նախատեսվում է, որ առաջին տանկը նիդեռլանդական բանակը կստանա 2028, իսկ վերջինը՝ 2031 թվականին։
Պաշտպանական գերատեսչությունը ձեռք կբերի նաև Leopard 2A8 DTV տեսակի չորս մարտական մեքենա՝ վարժանքների համար:
Անցյալ տարվա սեպտեմբերին թագավորության պաշտպանության նախարար Ռուբեն Բրեկելմանսը հայտարարել էր, որ ծախսերի կրճատմամբ պայմանավորված լուծարումից 13 տարի անց Նիդեռլանդները կվերականգնի իր տանկային գումարտակը:
Նիդեռլանդներում վերջին տանկային գումարտակը լուծարվել էր 2011 թվականին, իսկ 2015-ից երկիրը Գերմանիայից վարձակալում էր 18 Leopard տանկ։