Առողջապահության և Էկոնոմիկայի նախարարները մասնակցել են «Հայաստանում բժշկական զբոսաշրջության զարգացման ներուժն ու հեռանկարները» թեմայով համաժողովին
1 րոպեի ընթերցում
Առողջապահության նախարար Անահիտ Ավանեսյանի և Էկոնոմիկայի նախարար Գևորգ Պապոյանի մասնակցությամբ կայացել է «Հայաստանում բժշկական զբոսաշրջության զարգացման ներուժն ու հեռանկարները» թեմայով համաժողով: «Արմենպրես»-ն այս մասին տեղեկանում է ՀՀ առողջապահության նախարարության տարածած հաղորդագրությունից:
«Հայաստանում բժշկական տուրիզմի անընդմեջ զարգացումն ապահովելու, մեկ այլ մակարդակի բերելու համար էկոնոմիկայի նախարարության և այլ գործընկերների հետ համատեղությամբ արդեն հասել ենք գործնական քայլեր իրականացնելու փուլին»,- կարևորելով բժշկական տուրիզմի միջազգային քարտեզում Հայաստանի ուրույն տեղն ունենալու անհրաժեշտությունը` նշել է առողջապահության նախարար Անահիտ Ավանեսյանը:
Նախարարն ընդգծել է` բժշկական տուրիզմի զարգացման համար անհրաժեշտ է 3 կարևոր հանգամանք` որակ, վստահություն և հարմարավետություն. երեք ուղղությամբ էլ տեսանելի է կատարվող աշխատանքների արդյունքը:
Միջոցառմանը ներկա են եղել նաև Սփյուռքի գործերի գլխավոր հանձնակատարի գրասենյակի ղեկավար Զարեհ Սինանյանը, ՀՀ ԷՆ Զբոսաշրջության կոմիտեի նախագահ Լուսինե Գևորգյանը, առողջապահական և զբոսաշրջության ոլորտի ներկայացուցիչներ։