Մետրոպոլիտենի անձնակազմը շաբաթօրյակի շրջանակում մաքրել է կայարաններն ու հարակից տարածքները

Համաքաղաքային շաբաթօրյակի շրջանակներում Երևանի մետրոպոլիտենի ամբողջ անձնակազմը մասնակցել է մայրաքաղաքի բարեկարգման և մաքրման աշխատանքներին։

«Արմենպրես»-ի փոխանցմամբ՝ այս մասին հայտնում են Երևանի մետրոպոլիտենից: 

«Չնայած մետրոպոլիտենի կայարաններում իրականացվող ամենօրյա մաքրման և սանիտարական միջոցառումներին՝ շաբաթօրյակի ընթացքում առավել մանրակրկիտ կերպով իրականացվում են մաքրման աշխատանքներ ինչպես կայարանների ներսում, այնպես էլ մետրոյի հարակից տարածքներում։

Բացի մաքրման աշխատանքներից, իրականացվում է նաև կանաչ տարածքների հարդարում՝ նպաստելով քաղաքային միջավայրի բարելավմանը»,–տեղեկացրել են մետրոպոլիտենից: