1 րոպեի ընթերցում
Աշխատանքի և աշխատավորների միջազգային օրվա առթիվ՝ Հայաստանի աշխատանքի և սոցիալական հարցերի նախարար Նարեկ Մկրտչյանը մայիսի 2-ին հյուրընկալել է աշխատանքի վետերաններ 89-ամյա Թամարա Կարապետյանին և 86-ամյա Ռազմիկ Աբրահամյանին, ովքեր բնակվում են պետության ենթակայությամբ գործող շուրջօրյա խնամքի հաստատություններում։
Ինչպես «Արմենպրես»-ը տեղեկանում է ԱՍՀ նախարարության տարածած հաղորդագրությունից, նախարարը շնորհակալություն է հայտնել նրանց՝ երկարամյա աշխատանքային գործունեության և ունեցած վաստակի համար։
Վերջիններս նախարարին պատմել են իրենց գործունեության, աշխատելու և մասնագիտական կարողությունները լիարժեք իրացնելու կարևորության մասին։ Ռազմիկ Աբրահամյանը ներկայացրել է կրթության ոլորտում երկար տարիների իր փորձառությունը՝ նշելով, որ այս պահին էլ աշխատում է որոշ մեթոդական ձեռնարկների բովանդակության մշակման վրա, որոնք կարող են օգտակար լինել աշակերտների ուսուցման կազմակերպման հարցում։ Թամարա Կարապետյանը ևս պատմել է իր, աշխատանքի կարևորության մասին։
Հանդիպման ավարտին նախարար Մկրտչյանը ևս մեկ անգամ շնորհավորել է տոնի առթիվ՝ մաղթելով քաջառողջություն և երկար տարիների կյանք։