Հակակոռուպցիոն կոմիտեն քննչական գործողություններ է իրականացնում Երևանի ընդհանուր իրավասության քրեական դատարանում

Հակակոռուպցիոն կոմիտեի քննիչները Երևանի ընդհանուր իրավասության քրեական դատարանում քննչական գործողություններ են իրականացնում Հակակոռուպցիոն կոմիտեում քննվող քրեական գործի շրջանակներում։ 

«Արմենպրես»-ին այս մասին հայտնեցին ՀՀ հակակոռուպցիոն կոմիտեից։ 

Իրավապահ կառույցից գործի վերաբերյալ այլ մանրամասներ չհայտնեցին։ 

Լրատվամիջոցների տարածած տեղեկությունների համաձայն՝ քրեական գործն առնչվում է դատավոր Արտուշ Գաբրիելյանին։ 

Տեղեկություններ են տարածվել նաև, թե Արտուշ Գաբրիելյանը բերման է ենթարկվել իրավապահների կողմից։