1 րոպեի ընթերցում
Ռուսաստանը հայտնել է ապրիլի 28-ի գիշերը ուկրաինական ուժերի կողմից արձակված 115 անօդաչու թռչող սարք խոցելու մասին։ «Արմենպրես»-ը հաղորդում է, որ ՌԴ պաշտպանության նախարարության տեղեկացմամբ՝ ԱԹՍ-ներից 102-ը խոցվել են Բրյանսկի մարզում, որտեղ կա 1 զոհ։
Մյուս ԱԹՍ-ները խոցվել են Ղրիմում, Կուրսկի, Բելգորոդի մարզերում և Սև ծովի վրա։
Բրյանսկի մարզի ղեկավար Ալեքսանդր Բոգոմազը հայտնել է, որ «ուկրաինական զինված ուժերի հուժկու հարձակման» հետևանքով զոհվել է մեկ քաղաքացիական անձ, մեկ այլ բնակիչ վիրավորվել է։ Նա հավելել է, որ Ուկրաինայի զինված ուժերի հարձակման արդյունքում վնաս է հասցվել նաև քաղաքացիական օբյեկտներին և ենթակառուցվածքներին։
Եվս երկու ԱԹՍ ոչնչացվել է ՌԴ Լենինգրադի մարզի Կիրիշսկի և Վոլխովսկի շրջաններում։ Ըստ մարզի ղեկավար Ալեքսանդր Դրոզդենկոյի՝ զոհեր կամ վիրավորներ չկան։ Սանկտ Պետերբուրգի «Պուլկովո» օդանավակայանում ապրիլի 28-ի առավոտյան դադարեցվել են չվերթերը։
