1 րոպեի ընթերցում
Հայաստանի վարչապետ Նիկոլ Փաշինյանը ցավակցություն է հայտնել Հռոմի Ֆրանցիսկոս պապի մահվան կապակցությամբ։
«Արմենպրես»-ի հաղորդմամբ՝ այս մասին նշված է ՀՀ վարչապետի X-ի միկրոբլոգում կատարված գրառման մեջ։
«Խորապես ցավում եմ Հռոմի Ֆրանցիսկոս պապի մահվան կապակցությամբ։ Վեհափառ Հայրապետի՝ խաղաղ և արդար աշխարհ ունենալու ակնառու առաջնորդությունը չի կարող մոռացվել։ Ցավակցում եմ աշխարհի բոլոր հավատացյալներին այս մեծ կորստի համար»,-նշել է վարչապետ Փաշինյանը։
Հռոմի Ֆրանցիսկոս պապի մահվան կապակցությամբ ցավակցել էր նաև ՀՀ արտաքին գործերի նախարար Արարատ Միրզոյանը։