100 մլն դրամ երեխաների առողջության ու կրթության ոլորտների նախագծերին. դիմելու վերջնաժամկետն՝ ապրիլի 15

Ամերիաբանկի կողմից կազմակերպված «Իմ Ամերիա, իմ Հայաստան» ԿՍՊ քվեարկության արդյունքներն ամփոփվել են․ շուրջ 55.000 մասնակիցների ձայների մեծամասնությունը ստացած ոլորտները երկուսն են` երեխաների առողջություն և կրթություն։ 

Ամերիաբանկը հայտարարել էր բաց քվերակություն՝ բոլոր ցանկացողներին հնարավորություն ընձեռելով միանալու քվերակությանն ու միասին որոշելու, թե որ ոլորտի զարգացմանն է ուղղվելու բանկի 2025թ. ԿՍՊ ծրագրերի և բարեգործության բյուջեից  100 մլն դրամը: Նախագծի նպատակն էր մարդկանց համախմբել մեկ գաղափարի շուրջ և միասին կայացնել այս կարևոր որոշումը: 

Ամերիան այժմ ՀԿ-ներից և հիմնադրամներից ընդունում է ընտրված ուղղություններով նախագծերի առաջարկներ: Ծրագրերի ներկայացման վերջնաժամկետն ապրիլի 15-ն է, իսկ յուրաքանչյուր նախագիծ կարող է ստանալ մինչև 10 մլն ՀՀ դրամի ֆինանսավորում։ Նախագծերի ներկայացման կարգը, ինչպես նաև առաջադրվող չափանիշները ներկայացված են csr.ameriabank.am կայքում:

Քվեարկությունը բաց էր 2024 թվականի հոկտեմբերի 16-ից դեկտեմբերի 31-ը, իսկ մասնակցել կարող էին բացառապես բոլորը։ Քվեարկել հնարավոր էր հետևյալ 8 ոլորտների օգտին` երեխաների առողջություն, կրթություն, կայուն զարգացում, փոքր և միջին բիզնես, տեղեկատվական տեխնոլոգիաներ, գիտություն, մշակույթ և սպորտ: