391.8
ԱՄՆ-ն որևէ նշան չի տեսնում Իրանի կողմից միջուկային զենքի ստեղծման աշխատանքների վերսկսման վերաբերյալ
1 րոպեի ընթերցում
Համաշխարհային սպառնալիքների վերաբերյալ ԱՄՆ-ի հետախուզության տարեկան զեկույցում ասվում է, որ Միացյալ Նահանգների հատուկ ծառայությունները որևէ նշան չեն տեսնում Իրանի կողմից միջուկային զենքի ստեղծման աշխատանքների վերսկսման վերաբերյալ: Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։
«Ամերիկյան հետախուզությունը շարունակում է հավատալ, որ Իրանը միջուկային զենք չի ստեղծում, և գերագույն հոգևոր առաջնորդ Խամենեին թույլ չի տվել, որպեսզի միջուկային ծրագիրը վերսկսվի, որը նա դադարեցրել էր 2003 թվականին», - ասված է զեկույցում։
Դեռևս փետրվարին Թրամփը հայտարարել էր, որ պատրաստ է գործարք կնքել Իրանի հետ՝ նրա դեմ ռազմական գործողություններ ձեռնարկելու փոխարեն: Թրամփն ասել է, որ կցանկանար հասնել Իրանի հետ միջուկային խաղաղության համաձայնագրի, որը թույլ կտա Թեհրանին խաղաղ ճանապարհով զարգանալ և բարգավաճել՝ կոչ անելով անհապաղ սկսել աշխատանքները:
Թրամփը Խամենեիին ուղղված նամակում երկամսյա ժամկետ է սահմանել միջուկային նոր համաձայնագրի կնքման համար։
Բաժանորդագրվեք մեր ալիքին Telegram-ում