2 րոպեի ընթերցում
Վրաստանի ֆուտբոլի ազգային թիմի գլխավոր մարզիչ Վիլի Սանյոլը և վրացիների ավագ Խվիչա Կվարացխելիան լրագրողների հետ հանդիպման ժամանակ խոսել են Ազգերի լիգայի անցումային Վրաստան-Հայաստան պատասխան խաղից:
«Արմենպրես»-ի հաղորդմամբ` Վրաստանի մայրաքաղաք Թբիլիսիում կայացած նախախաղային ասուլիսի ժամանակ Վրաստանի ընտրանու գլխավոր մարզիչ Վինի Սանյոլը, մասնավորապես, ասաց. «Նրանք անելու են ամեն ինչ, ինչի ունակ են: Խաղալու են նրանք, ովքեր բացակայում էին նախորդ խաղին: Մոտիվացիայի պակաս չեն ունենալու: Թեպետ մենք հաղթել ենք նախորդ խաղում 3:0 հաշվով, սակայն ձգտելու ենք լավագույն խաղը ցույց տալ մեր իսկ երկրպագուների առաջ: Նպատակ ունենք շաբաթն ավարտել դրական նոտայով»:
Անդրադառնալով Երևանում կայացած խաղի մթնոլորտին` մարզիչն այն որակեց կատարյալ:
Վրաստանի ֆուտբոլի ազգային թիմի ավագ Խվիչա Կվարացխելիան ասաց, որ թեպետ անձամբ չի ճանաչում Հայաստանի ֆուտբոլի ազգային թիմի նախկին ավագ Հենրիխ Մխիթրայանին, ում դեմ խաղացել է դեռևս «Նապոլի»-ում խաղալու տարիներին, սակայն գիտի Հայաստանի ֆուտբոլի ազգային հավաքականին:
«Լիահույս եմ, Հայաստանի ֆուտբոլի ազգային թիմը կշարունակի աճ գրանցել ապագայում ևս»,-ասաց նա:
Ազգերի լիգայի անցումային խաղերի շրջանակներում թիմերի պատասխան` Վրաստան-Հայաստան հանդիպումը կկայանա մարտի 23-ին` Թբիլիսիի Բորիս Պաիճաձեի անվան «Դինամո» մարզադաշտում: Թիմերի առաջին խաղում Վրաստանը հաղթել էր 3:0 հաշվով: