Emarat-ը և Sil Capital-ը ստորագրել են ռազմավարական հուշագիր` Հայաստանում էներգետիկ լուծումների ընդլայնման նպատակով
4 րոպեի ընթերցում
Emirates Petroleum Company (Emarat)-ը, որը Արաբական Միացյալ Էմիրությունների նավթագազային ոլորտի առաջատարներից է, և SIL Capital-ը՝ Հայաստանի դիվերսիֆիկացված պորտֆելով առաջատար ընկերություններից մեկը, որի գործունեության ոլորտները ներառում է նաև նավթամթերքի մեծածախ և մանրածախ վաճառքը, ստորագրել են փոխըմբռնման հուշագիր՝ Հայաստանում էներգետիկ ոլորտում ռազմավարական հնարավորությունները ուսումնասիրելու նպատակով։
«Արմենպրես»-ի փոխանցմամբ՝ հուշագիրը սահմանում է Emarat և SIL Capital ընկերությունների միջև համագործակցության շրջանակը՝ նպատակ ունենալով ուսումնասիրել Emarat-ի բրենդի ներքո հանդես եկող ավտոմոբիլային և արդյունաբերական քսայուղերի տարածման հնարավորությունը Հայաստանում։
Կողմերը համագործակցաբար կաշխատեն սահմանել գործակցության համակողմանի շրջանակը՝ ապահովելով, որ փոխգործակցության բոլոր ասպեկտները համապատասխանեն որակի ու նորարարության ընդհանուր հանձնառությանը։
Քսայուղերի ոլորտից բացի, համաձայնագրով նախատեսվում է նաև ուսումնասիրել միջազգային աճի հնարավորությունները, որտեղ շեշտադրվում է գործառնական գերազանցությունը, հայաստանյան ու միջազգային հաճախորդների համար բացառիկ արժեքի ապահովումն ու ոլորտի լավագույն փորձի կիրառությունը։
Emarat-ի գործադիր տնօրեն Ն.Գ. Ալի Խալիֆա Ալ Շամսին, ընդգծելով համագործակցության կարևորությունը, նշել է.
«Մենք ոգևորված ենք SIL Capital-ի հետ համատեղ հնարավորություններն ուսումնասիրելու համար, քանի որ այն ընկերություն է, որը կիսում է որակի և նորարարության մեր տեսլականը։ Միասին մենք ձգտում ենք հայաստանյան սպառողներին և բիզնեսներին արժեքահեն լուծումներ առաջարկել»։
SIL Capital-ի գործադիր տնօրեն Էլիզաբեթ Մովսիսյանը հավելել է.
«Ուրախ ենք նոր համագործակցություն սկսել Emarat Petroleum-ի հետ։ Վստահ ենք, որ այս հուշագիրը նոր հնարավորություններ կստեղծի և կնպաստի երկու ընկերությունների աճին՝ ամրապնդելով մեր գործընկերային կապերը»։
Այս գործընկերությունը ոչ միայն ընդլայնում է ԱՄԷ-ի և Հայաստանի միջև առևտրային կապերը, այլև փաստում երկու ընկերությունների՝ էներգետիկ կայուն գործունեության և շուկայի զարգացման հանձնառությունը։
Emarat-ի մասին․
Emirates General Petroleum Corporation (Emarat)-ը ԱՄԷ-ի առաջատար էներգետիկ մատակարարներից է, որը հիմնադրվել է 1980 թվականին՝ երկրի աճող էներգետիկ պահանջարկը բավարարելու համար։ Emarat-ը գործում է սպասարկման կայանների լայնածավալ ցանցով ԱՄԷ-ում՝ տրամադրելով որակյալ վառելիք, մանրածախ առևտրի և ավտոմոբիլային ծառայություններ, ինչպես նաև առաջարկելով առևտրային վառելիքի, բնական գազի և քսայուղերի ամբողջական տեսականի։
SIL CAPITAL–ի մասին․
SIL Capital ՍՊԸ-ն Հայաստանի տնտեսության զարգացման գործում առաջատար դիրք զբաղեցնող ընկերություն է։ Այն ներգրավված է տարբեր ոլորտներում գործունեություն ծավալող տասից ավելի ընկերությունների ռազմավարական կառավարման մեջ:
SIL Capital–ը հիմնադրվել է 2012 թ. Սուքիասյան ընտանիքի կողմից` նպատակ ունենալով ռազմավարական աջակցություն ցուցաբերել ձեռնարկություններին: Այդ ժամանակից ի վեր ընկերությունը մեծացել և դիվերսիֆիկացրել է իր գործունեությունը՝ ներառելով ֆինանսական, ավիացիայի, ոսկյա իրերի արտադրության, նավթամթերքի վերամշակման և վաճառքի ոլորտները։