Հայաստանում Ռումինիայի դեսպանը միացել է ԵՄ դիտորդների պարեկությանը Խաչիկ գյուղի հատվածում

Հայաստանում Ռումինիայի դեսպան Կոռնել Իոնեսկուն միացել է ՀՀ-ում տեղակայված ԵՄ դիտորդական առաքելության պարեկությանը Վայոց Ձորի  մարզի Խաչիկ գյուղի հատվածում։

«Արմենպրես»-ի փոխանցմամբ՝ այս մասին գրառում է արվել ՀՀ-ում ԵՄ դիտորդական առաքելության X-ի միկրոբլոգում։ 

«Պատիվ էր հյուրընկալել Հայաստանում Ռումինիայի դեսպան Կոռնել Իոնեսկուին։ Նա ծանոթացել է առաքելության ընթացիկ գործունեությանը, գետնի վրա առկա իրավիճակին և միացել է պարեկությանը Խաչիկում»,- ասված է գրառման մեջ։ 

Նշվում է նաև, որ Ռումինիան ԵՄ դիտորդական առաքելության կազմում ներգրավված դիտորդների թվով երկրորդ երկիրն է։  

Honoured to host H.E. Cornel Ionescu, ambassador of 🇷🇴 to 🇦🇲 He was briefed about missions’ current developments, situation on the ground and joined the patrol in Khachik. 🇷🇴has the second largest contingent in #EUMA with 1⃣9⃣mission members. @MAERomania pic.twitter.com/xyLCIr24pu

— European Union Mission in Armenia (@EUmARMENIA) February 25, 2025