ՀՀ վարչապետը շնորհավորել է Ֆրիդրիխ Մերցին և նրա դաշինքին Գերմանիայի խորհրդարանի ընտրություններում հաղթելու առթիվ

Հայաստանի Հանրապետության վարչապետ Նիկոլ Փաշինյանը շնորհավորել է Ֆրիդրիխ Մերցին և նրա գլխավորած Քրիստոնեա-դեմոկրատական միություն/Քրիստոնեա-սոցիալական միություն դաշինքին Գերմանիայի խորհրդարանի ընտրություններում տարած հաղթանակի կապակցությամբ։

«Արմենպրես»-ի հաղորդմամբ՝ այս մասին Հայաստանի վարչապետը գրել է X-ի իր միկրոբլոգում։  

«Շնորհավորում եմ Ֆրիդրիխ Մերցին և Քրիստոնեա-դեմոկրատական/Քրիստոնեա-սոցիալական միությունների դաշինքին՝ ընտրություններում տարած հաղթանակի առթիվ:  Հայաստանը խորապես գնահատում է իր գործընկերությունը Գերմանիայի հետ, ներառյալ՝ Եվրոպական միության շրջանակում, և ակնկալում է ավելի ամրապնդել մեր բազմակողմանի համագործակցությունը, որը հիմնված է ժողովրդավարության հանդեպ մեր համատեղ հավատարմության վրա»,- գրել է Նիկոլ Փաշինյանը։ 

Congratulations, @_FriedrichMerz and @cdu/@csu on your election victory!

🇦🇲 deeply values its partnership with Germany 🇩🇪 , including within the 🇪🇺 fram & looks forward to further strengthening our multifaceted cooperation, founded on our shared commitment to democracy.

— Nikol Pashinyan (@NikolPashinyan) February 24, 2025