ՀԱՄԱՍ-ը մեղադրում է Իսրայելին հրադադարի համաձայնագիրը խախտելու մեջ

ՀԱՄԱՍ-ը մեղադրել է Իսրայելին հրադադարի համաձայնագիրը խախտելու մեջ և հետաձգել է ևս 3 իսրայելցի պատանդների անունների հրապարակումը, որոնք պետք է փոխանակվեին պաղեստինցի գերիների հետ:

«Արմենպրես»-ի փոխանցմամբ՝ այս մասին հայտնում է Reuters–ը:

ՀԱՄԱՍ–ը պետք է հայտարարեր 3 պատանդների անունները, որոնք պետք է ազատ արձակվեին փետրվարի 8–ին, սակայն նախատեսված վերջնաժամկետն անցել է, և անունները չեն հրապարակվել: Դեռ պարզ չէ, թե անունների հրապարակման այս ուշացումը կազդի՞ պատանդների ու գերիների նախատեսված փոխանակման վրա, թե՞ ոչ: 

Համասը մեղադրում է Իսրայելին՝ հունվարի 19-ին ուժի մեջ մտած հրադադարի համաձայնագրի համաձայն՝ սնունդ ու այլ հումանիտար օգնություն տեղափոխող հարյուրավոր բեռնատարների մուտքը ձգձգելու մեջ: