1 րոպեի ընթերցում
Հայաստանի շախմատի հավաքականի անդամները շարրունակում են պայքարը «Al-beruniy» միջազգային մրցաշարում:
«Արմենպրես»-ի հաղորդմամբ` մրցաշարի երրորդ տուրում Շանթ Սարգսյանը հաղթանակ է տոնել, Հայկ Մարտիրոսյանը կիսել է միավորը:
Շանթ Սարգսյանը 3 հնարավորից ունի 3 միավոր և միանձնյա առաջատարն է, իսկ Հայկ Մարտիրոսյանը 2,5 միավորով երկրորդն է:
Ուզբեկստանի մայրաքաղաք Տաշքենդում ընթացող միջազգային մրցաշարին, ընդհանուր առմամբ, մասնակցում է 10 շախմատիստ Հունգարիայից, Ֆինլանդիայից, Չինաստանից, Ուզբեկստանից։ Մրցաշարին մասնակցում են նաև ռուս շախմատիստներ, որոնք հանդես են գալիս միջազգային դրոշի ներքո։ Մրցաշարը կեզրափակվի փետրվարի 11-ին:
