1 րոպեի ընթերցում
Հայաստանի թատերական գործիչների միությունը հրապարակել է «Արտավազդ- 2025» մրցանակաբաշխության երկրորդ փուլ անցած աշխատանքների ցանկը, որը ներկայացնում ենք ստորև։
«Արմենպրես»-ի հաղորդմամբ՝ մրցանակաբաշխությունը, որն ավանդույթի համաձայն անցկացվում է Թատրոնի միջազգային օրը՝ մարտի 27-ին, 2025-ին կկազմակերպվի Կապանում։
Ավելի վաղ միությունը նշել էր, որ իրենք միշտ առանձնահատուկ ուշադրության են արժանացրել մարզային թատերական կյանքը և, հաշվի առնելով այն փաստը, որ այս տարի լրանում է Կապանի Ալ. Շիրվանզադեի անվան թատրոնի 90-ամյակը, որոշում են կայացրել «Արտավազդ»-ը կազմակերպել Կապանում և այն նվիրել թատրոնի հոբելյանին։
Մրցանակաբաշխությանը նախորդող օրերին՝ մարտի 20-26-ը, կանցկացվի Կամերային ներկայացումների փառատոն, որի ընթացքում Կապանում հանդես կգան հանրապետության լավագույն թատերական կոլեկտիվները։