Վրաստանի ընդդիմությունը բռնապետության սպառնալիք է որակել երկրի օրենսդրության հնարավոր խստացումը
1 րոպեի ընթերցում
Վրացական ընդդիմությունը երկրում բռնապետության հաստատման փորձ է համարում վարչական և քրեական հանցագործությունների համար պատիժների խստացմանն ուղղված իշխող կուսակցության նախաձեռնությունը: «Արմենպրես»-ի հաղորդմամբ՝ այս մասին փետրվարի 3-ին կայացած բրիֆինգում հայտարարել է իշխող «Վրացական երազանք» կուսակցության գործադիր քարտուղար Մամուկա Մդինարաձեն:
Պատժաչափերի խստացման վերաբերյալ խորհրդարանական քննարկումները սկսվելու են առաջիկա օրերին:
Վրաստանի պաշտպանության նախկին նախարար Թինա Խիդաշելին, որը ներկայումս ընդդիմության առաջնորդներից մեկն է, «Պիրվելի» հեռուստաալիքի եթերում նշել է, որ ներկայացված օրենսդրական նախաձեռնությունները Վրաստանում բռնապետության վերջնական հաստատում են և միտված են ճնշելու ավելի քան երկու ամիս Թբիլիսիում և այլ քաղաքներում շարունակվող բողոքի շարժումը: Նա ընդգծել է, որ օրենսդրական նախաձեռնություններով, մասնավորապես, առաջարկվում է վարչական իրավախախտումների համար նախատեսված պատիժը ներկայիս 15 օրից հասցնել 60-ի և զգալիորեն ավելացնել տուգանքների չափը: Իսկ ոստիկանության աշխատակիցներին դիմադրելու, սպառնալիքների եւ բռնության համար ազատազրկման ժամկետը նախատեսվում է հինգից դարձնել վեց տարի: