ՀՀ-ում ԵՄ առաքելությունն այցելել է Մարտունի և հետևել հայ-ադրբեջանական սահմանին տիրող իրավիճակին

Հայաստանում ԵՄ առաքելության ղեկավար Մարկուս Ռիտերը միացել է Մարտունու պարեկային խմբին և հետևել հայ-ադրբեջանական սահմանին տիրող իրավիճակին և ընդգծել, որ կշարունակի հավատարիմ մնալ տարածաշրջանում անվտանգության ապահովմանը։

«Արմենպրես»-ի հաղորդմամբ՝ այս մասին նշված է Հայաստանում ԵՄ դիտորդական առաքելության X-ի միկրոբլոգում տարածված գրառման մեջ։

«Հայաստանում ԵՄ առաքելության ղեկավար Մարկուս Ռիտերը միացել է Մարտունու պարեկային խմբին և հետևել հայ-ադրբեջանական սահմանին տիրող իրավիճակին»,-նշված է գրառման մեջ՝ շնորհակալություն հայտնելով տեղի բնակիչներին սուրճի և հյուրընկալության համար: 

Առաքելությունը հպարտություն է արտահայտել սահամանային անվտանգությանն ուղղված գործունեություն ծավալելու համար։

«ՀՀ-ում ԵՄ առաքելությունը հպարտ է համայնքի վստահությամբ և կշարունակի հավատարիմ մնալ տարածաշրջանում անվտանգության ապահովմանը»,-նշված է գրառման մեջ:

#EUMA Head of Mission Markus Ritter joined the patrol in FOB Martuni and observed the situation on the 🇦🇲side of 🇦🇲-🇦🇿 border. Grateful to local villagers for coffee and hospitality🙏. EUMA is proud for the trust in community and will stay committed to security in the region🇪🇺🇦🇲. pic.twitter.com/Jet4PKDlZy

— European Union Mission in Armenia (@EUmARMENIA) January 30, 2025