1 րոպեի ընթերցում
Սյունիքի մարզային փրկարարական վարչության ճգնաժամային կառավարման կենտրոն հունվարի 27-ին, ժամը 16։05-ին ահազանգ է ստացվել, որ Կապան-Տանձավեր ավտոճանապարհի 25-րդ կմ-ին տեղի է ունեցել ճանապարհատրանսպորտային պատահար՝ բեռնատարը կողաշրջվել է։
«Արմենպրես»-ի փոխանցմամբ՝ այս մասին հայտնում է հայտնում է ՆԳՆ փրկարար ծառայությունը։
ՓԾ-ը հաղորդում է, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
«Պարզվել է, որ «MAZ» մակնիշի (վարորդ՝ Ա․ Ա․) բեռնատարը կողաշրջվել է ճանապարհամերձ հատվածում․ տուժածներ չկան»,-նշում է փրկարար ծառայությունը։
Հաղորդվում է, որ փրկարարները հոսանքազրկել են ավտոմեքենան և քարշակման եղանակով (մոտ 100 մ) դուրս բերել ավտոճանապարհի երթևեկելի հատվածից․ բեռնատարն ուղղվել է ավտոկռունկի օգնությամբ։