Փրկարարներն արգելափակումից դուրս են բերել 13 ավտոմեքենա

Ներքին գործերի նախարարության փրկարար ծառայության Գեղարքունիքի, Արագածոտնի, Կոտայքի մարզային փրկարարական վարչությունների ճգնաժամային կառավարման կենտրոնները հունվարի 22-24-ը ահազանգեր են ստացել արգելափակված ավտոմեքենաների վերաբերյալ:

«Արմենպրես»-ի Փրկարար ծառայությունից մանրամասնում են, որ ահազանգերը ստացվել են մասնավորապես Հրազդան, Մարտունի, Սևան, Վեդի քաղաքներից, Դդմաշեն, Ֆյունիկ, Ալագյազ գյուղերից, Երևան-Սևան և Ապարան-Ափնագյուղ ավտոճանապարհներից։

Դեպքի վայր ժամանած փրկարարներն արգելափակումից դուրս են բերել 13 ավտոմեքենա, 39 քաղաքացու ցուցաբերվել է համապատասխան օգնություն։