1 րոպեի ընթերցում
Հայ մեծանուն գրող Հովհաննես Թումանյանի ծննդյան օրվա կապակցությամբ 2025 թվականի փետրվարի 19 և 20-ին Երևանի գեղասահքի և հոկեյի մարզադպրոցի սահադաշտում («Այս արենա»), կկայանա «Ախթամար» լեգենդի յուրօրինակ ներկայացումը սառույցի վրա:
Նորովի մատուցվող ներկայացումն առաջարկում է նոր հայացք հայտնի պատմությանը:
«Արմենպրես»-ի փոխանցմամբ՝ մարզիկների դասական կատարումների և յուրօրինակ համարների համադրումը խոստանում են տպավորությունների անկրկնելի ելևէջներ ինչպես գեղասահքի ավանդական դպրոցի, այնպես էլ նորարարական լուծումների և վառ տպավորությունների սիրահարների համար:
Առաջին անգամ պատմության մեջ «Այս արենայի» ընդարձակ տարածության մեջ կկենդանանա հայկական հնագույն «Ախթամար» լեգենդը: Գեղասահորդները կվերափոխվեն ազգային լեգենդի, հայ ժողովրդի մշակութային ժառանգության հերոսների:
Հատուկ այս ներկայացման համար երաժշտությունը գրել է կոմպոզիտոր Ալեքսեյ Գալինսկին: Զգեստների դիզայները Կարինե Դնոյանն է:
Ներկայացման պրոդյուսերը Զառա Մխեյանն է, պարուսույցը, ռեժիսորն ու բեմադրիչը Դմիտրի Լապշինը:
Ներկայացման գաղափարը պատկանում է Էմիլ Կարատիին, սցենարը՝ Դավիթ Բաբայանի: