Նիկոլ Փաշինյանը ցավակցել է Թուրքիայում տեղի ունեցած հրդեհի հետևանքով զոհվածների ընտանիքներին

Հայաստանի վարչապետ Նիկոլ Փաշինյանը ցավակցել է Թուրքիայի Բոլու քաղաքում տեղի ունեցած ողբերգական հրդեհի հետևանքով զոհվածների ընտանիքներին և շուտափույթ ապաքինում մաղթել վիրավորներին։

«Արմենպրես»-ի հաղորդմամբ՝ Փաշինյանն այդ մասին գրել է X-ի իր միկրոբլոգում։ 

«Բոլուի լեռնադահուկային հանգստավայրում տեղի ունեցած ողբերգությունը շոկային է. ցավակցում եմ զոհվածների ընտանիքներին»,-իր գրառման մեջ նշել է վարչապետ Փաշինյանը՝ հրդեհի հետևանքով վիրավորված անձանց մաղթելով շուտափույթ ապաքինում։ 

Ավելի վաղ Հայաստանի արտաքին գործերի նախարարությունը ևս ցավակցել էր Թուրքիայի Բոլու քաղաքում տեղի ունեցած ողբերգական հրդեհի կապակցությամբ։

Վերջին տվյալների համաձայն՝ հրդեհի զոհերի թիվը հասել է 76-ի, պարզվել է 52 զոհի ինքնությունը, որոնցից 45-ի դիերը հանձնվել են հարազատներին։

The tragedy at the ski resort in #Bolu is shocking. My condolences to the victims' families։

I wish a speedy recovery for the injured.

— Nikol Pashinyan (@NikolPashinyan) January 22, 2025