Հայաստանն ու Միացյալ Նահանգները նոր էջ են բացում երկկողմ հարաբերություններում. Լիլիթ Մակունց

ԱՄՆ-ում Հայաստանի դեսպան Լիլիթ Մակունցը կարծում է, որ Հայաստանն ու Միացյալ Նահանգները, ռազմավարական գործընկերության մասին կանոնադրությունը ստորագրելով, նոր էջ են բացում երկկողմ հարաբերություններում։ 

«Արմենպրես»-ի փոխանցմամբ՝ Լիլիթ Մակունցն այդ մասին գրել է X-ի իր միկրոբլոգում։ 

«Հայաստանն ու ԱՄՆ-ն նոր էջ են բացում երկկողմ հարաբերություններում։ Անցած տարիներին մեր հարաբերությունների խորացումը հանգեցրեց նրան, որ պաշտոնապես դարձանք ռազմավարական գործընկերներ։ Սա իսկապես պատմական է: Եկեք նշենք Հայաստանի և ԱՄՆ-ի միջև նոր որակի ռազմավարական հարաբերությունների սկիզբը»,- գրել է Մակունցը։  

Armenia & the U.S. open a new chapter in the bilateral relations! The deepening of our relations in the past years resulted in officially becoming Strategic Partners. This is truly historic. Let’s celebrate the start of new quality strategic relations btw 🇦🇲 & 🇺🇸 pic.twitter.com/AEJoePHAnd

— Lilit Makunts (@LilitMakunts) January 14, 2025