Բաթումում ձերբակալված ցուցարարներից երեքն ազատ են արձակվել, իսկ 8-ը շարունակում են մնալ կալանքի տակ

2 րոպեի ընթերցում

ԵՐԵՎԱՆ, 12 ՀՈՒՆՎԱՐԻ, ԱՐՄԵՆՊՐԵՍ: Բաթումում հունվարի 11-ին ոստիկանության բաժանմունքի մոտ տեղի ունեցած ցույցի ժամանակ ձերբակալված 12 անձանցից երեքը գրավոր ծանուցմամբ ազատ են արձակվել։

«Արմենպրես»-ի հաղորդմամբ՝ այս մասին հայտնում է Վրաստանի Առաջին հեռուստաալիքը՝ հղում անելով Ներքին գործերի նախարարությանը:

Աղբյուրի համաձայն՝ վարչական օրենսդրությամբ կալանավորված 8 անձ շարունակում են մնալ կալանքի տակ՝ մանր խուլիգանության և ոստիկաններին անհնազանդության մեղադրանքով, իսկ «Բաթումելեբ»-ի հիմնադիր և տնօրեն Մզիա Ամաղլոբելին՝ Քրեական օրենսգրքի 353-րդ հոդվածով, որը վերաբերում է ոստիկանի վրա հարձակում գործելուն։

Նա հունվարի 11-ին ձերբակալվել է Բաթումի գլխավոր ոստիկանական բաժանմունքի մոտ բողոքի ակցիայի ժամանակ, այնուհետև երեք այլ անձանց հետ գրավոր դիմումով ազատ արձակվել, իսկ ավելի ուշ կրկին ձերբակալվել:

Ավելի վաղ՝ հայտնի է դարձել, որ Բաթումի ոստիկանության գլխավոր վարչության մոտ տեղի ունեցած ցույցի ժամանակ բախում է տեղի ունեցել իրավապահների և ցուցարարների միջև։

Ցույցը վերածվել է բախման ոստիկանների և ցուցարարների միջև այն բանից հետո, երբ բերման ենթարկվածներից չորսը, այդ թվում՝ մեկ անչափահաս, ազատ են արձակվել, թեև ոստիկանության բաժանմունքի դիմաց բողոքի մեկ մասնակից ձերբակալվել է, ինչը հանգեցրել է ցուցարարների դժգոհությանը։ 

Վրաստանի մայրաքաղաքում և խոշոր քաղաքներում բողոքի ցույցերը սկսվել են այն բանից հետո, երբ անցած տարվա նոյեմբերի 28-ին վարչապետ Իրակլի Կոբախիձեն հայտարարեց Եվրամիությանը երկրի անդամակցության շուրջ բանակցություններ սկսելու հարցի քննարկումը մինչև 2028 թվականը դադարեցնելու որոշման մասին։ 

 

Հայերեն Русский

Ամերիկյան ինդեքսներ - 15/05/25

NYMEX. Թանկարժեք մետաղների գներն աճել են - 15/05/25

Նավթի գները նվազել են - 15/05/25

Հարկադիր կատարման գործընթացում ծանուցման խնդիրներ կան, անցում կկատարվի էլեկտրոնային ձևաչափի․ Սիրո Ամիրխանյան

Ռուբիոն հայտնել է, որ ՌԴ-Ուկրաինա բանակցություններին կմասնակցի ԱՄՆ-ի ներկայացուցիչներից մեկը

Ստամբուլում ռուսական պատվիրակությունը սպասում է ուկրաինական կողմի հետ բանակցություններին

Հայաստանն անցավ «Եվրատեսիլ 2025»-ի եզրափակիչ փուլ

Մխչյանի դպրոցում բարձր դասարանցիները 4-րդ դասարանցիներին ստիպողաբար թմրանյութ են տվել՝ կախվածության մեջ գցելով. մարզպետարանի հայտարարությունը

Հայաստանի Սահմանադրությունը տարածքային պահանջ չի պարունակում որևէ հարևանի նկատմամբ. Փաշինյանը պատասխանել է ադրբեջանցի լրագրողի հարցին

Նիկոլ Փաշինյանը հանդիպում է ունեցել Անտոնիու Կոշտայի և Ուրսուլա Ֆոն դեր Լայենի հետ