1 րոպեի ընթերցում
ԵՐԵՎԱՆ, 4 ՀՈՒՆՎԱՐԻ, ԱՐՄԵՆՊՐԵՍ: Վրաստանում 2025 թվականի հունվարի 1-ից ավելացել է նախարարությունների թիվը. 12-ի փոխարեն այժմ դրանք 13-ն են: Սպորտի նախարարությունը, որը նախկինում մշակույթի նախարարության մաս էր կազմում, այժմ դարձել է ինքնուրույն:
«Արմենպրես»-ի հաղորդմամբ՝ այս մասին հայտնում է NewsGeorgia լրատվականը:
Ըստ աղբյուրի՝ Կառավարության կառուցվածքի մասին օրենքում կատարված փոփոխությունների համաձայն՝ նորաստեղծ գերատեսչությունները (Մշակույթի և Սպորտի նախարարությունները- խմբ․) առաջիկայում կիրականացնեն օպտիմալացում՝ իրենց գործառույթների վերլուծության հիման վրա։