1 րոպեի ընթերցում
ԵՐԵՎԱՆ, 4 ՀՈՒՆՎԱՐԻ, ԱՐՄԵՆՊՐԵՍ: Ձերբակալվել է Զինված ուժերի գլխավոր շտաբի պետի նախկին տեղակալ, գեներալ-լեյտենանտ Տիրան Խաչատրյանը:
«Արմենպրես»-ի հաղորդմամբ՝ այս մասին հայտնել է Խաչատրյանի պաշտպանական խումբը:
«Գեներալ-լեյտենանտ Տիրան Խաչատրյանին այսօր առավոտյան ձերբակալել են` մեղադրանք առաջադրելու և կալանավորման համար դատարան ներկայացնելու նպատակով:
Տիրան Խաչատրյանին առաջադրված մեղադրանքը (ռազմական դրության ժամանակ զինվորական պաշտոնեական անփութություն), որը նա չի ընդունում, առնչվում է 44-օրյա պատերազմի որոշ հանգամանքների»,-ասված է հայտարարությունում:
Պաշտպանական խումբը նշել է, որ նախաքննական և ռազմական գաղտնիքի ներքո՝ այս փուլում չեն կարող մանրամասներ հաղորդել:
Տիրան Խաչատրյանի կալանքի նիստը տեղի կունենա ժամը 18:00-ին Երևան քաղաքի ընդհանուր իրավասության առաջին ատյանի դատարանի Ավան (Մասիվի դատարան) նստավայրում՝ նախագահությամբ Մասիս Մելքոնյանի: