ԵՄ-ն ամսական 1,5 միլիարդ եվրո կտրամադրի Ուկրաինային

ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ։ Եվրամիությունը 2025 թվականի հունվարից Ուկրաինային ամսական 1,5 միլիարդ եվրո օգնություն կտրամադրի։

«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին հայտարարել է ԵՄ դիվանագիտության ղեկավար Կայա Կալլասը 27 երկրների արտգործնախարարների առաջին հանդիպման արդյունքներով ասուլիսում։

Նա նշել է, որ Ուկրաինային օգնությունը մնում է ԵՄ-ի առաջնահերթությունը և Բրյուսելն ամեն ինչ պետք է անի, որպեսզի Կիևի դիրքերն ամուր լինեն Ռուսաստանի հետ ապագա բանակցություններում։