1 րոպեի ընթերցում
ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ։ Թուրքիան կաջակցի Պաղեստինի ժողովրդին մինչև Գազայի հատվածում հակամարտությունը դադարեցվի։
Ինչպես հաղորդում է «Արմենպրես»-ը, վկայակոչելով «ՏԱՍՍ»-ը, այս մասին հայտարարել է Թուրքիայի նախագահ Ռեջեփ Թայիփ Էրդողանը նախարարների կաբինետի նիստին, որը տեղի է ունեցել Անկարայում։
«Մենք մեր բոլոր ուժերով և միջոցներով կաջակցենք մեր եղբայրներին և քույրերին մինչև ցեղասպանությունը դադարի, և Գազան ու Պաղեստինը լիովին ազատագրվեն», - ասել է Էրդողանը ՝ նշելով, որ Անկարան միջազգային բոլոր հարթակներում հայտարարում է իր աջակցությունը Պաղեստինին և Իսրայելի ագրեսիան դադարեցնելու անհրաժեշտության մասին։