Ըմբիշ Կարեն Խաչատրյանը դարձավ Զինվորականների ԱԱ-ի բրոնզե մեդալակիր

ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ: Երևանում ընթացող Զինվորականների ըմբշամարտի 37-րդ աշխարհի առաջնությունը մոտենում է ավարտին:

«Արմենպրես»-ի հաղորդմամբ`  Կարեն Դեմիրճյանի անվան մարզահամերգային համալիրում ընթացող Զինվորականների ըմբշամարտի աշխարհի 37-րդ առաջնության հունահռոմեական ոճի ըմբշամարտի 87 կգ քաշային կարգի բրոնզե մեդալի համար գոտեմարտում Կարեն Խաչատրյանը  մրցեց Շվեյցարիայից Դամիան ֆոն Իուվի հետ: Խաչատրյանը հաղթեց 3:1 հաշվով` դառնալով Զինվորականների ԱԱ-ի բրոնզե մեդալակիր:

Մինչ այս Զինվորականների ըմբշամարտի աշխարհի 37-րդ առաջնությունում Հայաստանի Հանրապետության ԶՈՒ հավաքականի մարզիկները նվաճել են 3 ոսկե, 3 արծաթե և 6 բրոնզե մեդալ։ Մասնավորապես, Գասպար Տերտերյանը (67 կգ), Սուրեն Աղաջանյանը (60 կգ) և Անդրանիկ Ավետիսյանը (65 կգ) նվաճել են ոսկե, Էլեն Բաբաջանյանը, (53 կգ), Տիգրան Մինասյանը (55 կգ) և Սարգիս Բեգոյանը (61 կգ)՝ արծաթե, իսկ Աշոտ Խաչատրյանը (77 կգ), Շանթ Խաչատրյանը (72 կգ) և Հրաչյա Պողոսյանը (63 կգ), Սամվել Գրիգորյանը (82 կգ), Հրայր Ալիխանյանը (74 կգ), Արման Ավագյանը (79 կգ)՝  բրոնզե մեդալներ։