1 րոպեի ընթերցում
ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ։ Կառավարությունը հաստատեց կենդանի խոզերի ներմուծման ժամանակավոր քանակական սահմանափակում կիրառելու որոշումը։ «Արմենպրես»-ի հաղորդմամբ՝ նախագիծն ընդգրկված էր ՀՀ կառավարության նոյեմբերի 21-ի նիստի օրակարգում։
Այս սահմանափակումը կգործի 6 ամիս և ուղղված է խոզի մսի տեղական արտադրողների տնտեսական շահերի պաշտպանությանը և պարենային անվտանգության ապահովմանը։
Ըստ կառավարության ներկայացրած տվյալների՝ 2024 թվականին նախատեսվում է խոզի մսի տեղական արտադրության զգալի աճ։ Այս պայմաններում 50 կգ կամ ավելի կենդանի զանգված ունեցող խոզերի ներկրման ծավալների շարունակական աճը կարող է խաթարել տեղական արտադրողների շահերը։ Հաշվի առնելով ներկրված կենդանի խոզերի աճող քանակը՝ որոշվել է սահմանափակել ներմուծվող խոզերի թիվը՝ սահմանելով առավելագույնը 25 հազար գլուխ։