Ըմբիշ Սուրեն Աղաջանյանը դարձավ Զինվորականների ԱԱ-ի ոսկե մեդալակիր

ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Երևանում ընթացող Զինվորականների ըմբշամարտի 37-րդ առաջնության մրցումային առաջին օրը Հայաստանի թիմն արդեն երեք մեդալ է նվաճել:

«Արմենպրես»-ի հաղորդմամբ` Կարեն Դեմիրճյանի անվան մարզահամերգային համալիրում ընթացող Զինվորականների ըմբշամարտի 37-րդ առաջնության մեկնարկային օրը Հայաստանի հավաքականից 60կգ քաշային Սուրեն Աղաջանյանը եզրափակիչում մրցեց ԿԺԴՀ-ն ներկայացնող Ռի Սեի հետ և հաղթանակի հասավ: 63կգ քաշային կարգի բրոնզե մեդալի համար գոտեմարտում Հրաչյա Պողոսյանը մրցեց Կոլումբիայից Օսկար Լեոնարդոյի հետ և հաղթեց 8:0 հաշվով: 53 կգ Էլեն Բաբաջանյանը 8:7 հաշվով հաղթեց Մոնղոլիայից Օյունդարիին և նվաճեց արծաթե մեդալ (այս քաշային կարգում պայքարը շրջանաձև էր)։ Քիչ ավելի ուշ պայքարի մեջ կմտնեն Հայաստանի մի քանի ներկայացուցիչ ևս: