398.64
Ֆրանսիայի դեսպանը կանչվել է Ադրբեջանի ԱԳՆ
1 րոպեի ընթերցում
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Ադրբեջանում Ֆրանսիայի դեսպան Անն Բուայոնը կանչվել է Ադրբեջանի արտաքին գործերի նախարարություն։
Այս մասին, ինչպես հաղորդում է «Արմենպրես»-ը, հայտնում են ադրբեջանական ԶԼՄ-ները:
Տարածված տեղեկության համաձայն՝ հանդիպման ընթացքում ադրբեջանական կողմը բողոք է հայտնել Ֆրանսիայի կողմից Ադրբեջանի նախագահությամբ Բաքվում ընթացող Կլիմայի փոփոխության շրջանակային կոնվենցիայի կողմերի համաժողովի 29-րդ նստաշրջանը խափանելու Ֆրանսիայի փորձերի դեմ։
Ադրբեջանը Ֆրանսիային մեղադրել է նաև Հայաստանի հետ խաղաղության գործընթացը խաթարելու մեջ։
«Փարիզը ակտիվորեն զինում է Երևանին՝ խրախուսելով միլիտարիզմն ու ռևանշիզմը, ինչը հարված է երկու երկրների հարաբերությունների կարգավորման ջանքերին։ Մենք պահանջում ենք, որ Ֆրանսիան դադարեցնի Ադրբեջանի դեմ ուղղված քայլերը, որոնք վտանգում են կարգավորման գործընթացը», - նշվում է տեղեկատվության մեջ։
Բաժանորդագրվեք մեր ալիքին Telegram-ում