Հայտնի են Հայաստանի ֆուտբոլի ազգային թիմի հնարավոր մրցակիցներն անցումային խաղերում

ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Հայտնի են Հայաստանի ֆուտբոլի ազգային թիմի հնարավոր մրցակիցները Ազգերի լիգայի B ենթախմբի ուղեգրի համար:

«Արմենպրես»-ի հաղորդմամբ` նոյեմբերի 22-ին կայանալիք վիճակահանությանը Հայաստանի ֆուտբոլի ազգային թիմի հնարավոր մրցակիցների շարքում ընդգրկվել են Սլովենիան, Վրաստանը, Իսլանդիան ու Իռլանդիան:

Ֆուտբոլի Ազգերի լիգայի C4 ենթախմբի վերջին տուրից հետո Հայաստանի հավաքականը մրցաշարային աղյուսակում գրավեց 2-րդ հորիզոնականը: Այս խմբում 16 միավորով առաջին տեղում Հյուսիսային Մակեդոնիան էր: Ֆարերյան կղզիները 3-րդն է, իսկ Լատվիան վերջին տեղում է: