368.45
Գերմանիան մտադիր է հյուրընկալել 2040 թվականի ամառային Օլիմպիական խաղերը
1 րոպեի ընթերցում
ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ: Գերմանիան ցանկություն ունի հյուրընկալել 2040 թվականի 37-րդ ամառային Օլիմպիական խաղերը:
«Արմենպրես»-ի հաղորդմամբ` այս մասին գրում է գերմանական DW-ն: 2040 թվականին Գերմանիան տոնելու է վերամիավորման 50-ամյակը և այդ նպատակով այս երկիրը հայտ կներկայացնի` հյուրընկալելու ամառային Խաղերը: Հաջորդ տարի կայանալիք մրցույթին պետք է մասնակցեն գերմանական մի քանի քաղաքներ` Բեռլինը, Լայպցիգը, Մյունխենը և Համբուրգը, ինչպես նաև Ռայն-Ռուրռյան մարզը:
2028 թվականի ամառային Օլիմպիական խաղերը կկայանան Լոս Անջելեսում, 2032 Խաղերը` ավստրալիական Բրիսբենում, իսկ 2036 թվականի Խաղերի անցկացման վայրը դեռևս հայտնի չէ:
Կարդացեք հոդվածը` Русский
Բաժանորդագրվեք մեր ալիքին Telegram-ում